Policia e Kosovës njofton se në kuadër të angazhimit për sigurinë në trafik, vetëm brenda 24 orëve të fundit në rajonin e Prishtinës janë shqiptuar rreth 600 gjoba.

Në njoftim thuhet se policia ka pranuar edhe denoncime nga qytetarët/mediat për shkelje të ndryshme të rregullave të trafikut nga ngasësit.

“Policia e Rajonit të Prishtinës po vazhdon angazhimet policore për ngritjen e sigurisë në trafik. Përveç planeve policia ka pranuar denoncime nga qytetarët/mediat për shkelje të ndryshme nga ngasës të automjeteve në trafik. Pjesë e punës së zyrtarëve të njësitit të trafikut ka qenë edhe identifikimi dhe gjobitja e tyre. Angazhimet për sigurinë në trafik do të kenë shtrirje në të gjitha rrugët e rajonit të Prishtinës, ku vetëm gjatë 24 orëve të fundit janë shqiptuar rreth 600 gjoba”, thuhet në njoftim./Arbresh.info